" الأخلاق "

الأخلاق مش بس إنك تقول " شكراً - العفو - اسف "
الأخلاق حاجات تانية أهم
إنك تتقى لله فى أفعالك وكلامك
إنك ما تكدبيش حتى لو هتدارى حاجة بس ماتكدبيش
إن أهلك أهم من اى حد تانى " ديه اخلاق "
إنك تكون عارف إن ربنا شايفك فمش هتعمل حاجة تغضبه
ما توعدش وأنت مش هتوفى
تانى مرة ماتكدبش
الأخلاق إنك لما تحب وتقتنع بالى بتحبه ده تحافظ عليه وما تأذيهوش بأى كلمة
الأخلاق إنك تكون راجل سواء بنت ولا ولد .... " الرجولة لها معانى كتير وفى بنات أرجل من مليون ولد "
الأخلاق إنك تعرف لما تقرب من حد تكون عامل حسابك انه ممكن يتعلق بك بشكل انت ما تتخيلوش وفى الآخر انت إلى تتحاسب فأخد بالك كويس
الأخلاق إنك تعرف دينك " الدين خُلق " ... وتعرف أن مافيش حاجة إسمها " صديقة " ولا متخذات أخدان " .... فما تحولش تقنع نفسك إن فى صداقة بين ولد وبنت من غير ما يكون فيها " feeling " زى ما بيقولوا .... لكن فى زمالة فى حدود المكان إلى موجودين فيه ... "
الأخلاق إن يكون عندك ضمير ،وضميرك لو مات يبقى هتفكر نفسك ما بتعملش حاجة غلط وانك زى الفل الحمد لله !!!
الأخلاق إنك تعامل الناس زى ما انت بتحب إنهم يعاملوك ..
الأخلاق إنك لما تحب تكون هى واحدة مش أتنين وانا بختار بينهم ... !!!
الأخلاق حاجات كتير وده جزء منها
وأنت حُر فى أفعالك بعد كده ....
والأخلاق إنك ما تكدبيش للمرة التالتة  ....  لو حسيت ان الكلام ده مسك اوى يبقى انت اكيد بتعمل حاجة منهم ولازم وقفة مع نفسك وده شئ كلنا بنعمله لأن كلنا بنتغير والأهم إننا نتغير للأحسن
الدين كله خلق فمن زاد عليك في الخلق زاد عليك في الدين ..” ابن الجوزي ....


#منة_عامر :)