خَليك إيجابى وبُص لكُليتك من زاوية تانية

 

طبعاً فى منا إلى دَخل الكُلية عشان مَجموعُه  و إلى دَخل الكُلية عشان هو حَببها لو إنت مِن صحابنا

الأول إلى دخل عشان مجموعه وهو مش حابب الكلية نفسها يبقى إوعى تُحبط أو تَكتئب , مش عشان إنتَ دخلت حاجة مش نفسك فيها يبقى خلاص ديه نهاية العالم , لأ إنت تُقف وتُقول لنفسك أنا لازم أثبت نفسى فى الكلية إلى دَخلتها ديه  وأحقق حاجة فيها , مَتقولش لنفسك بقى أنا خلاص مش هقدر أعمل حاجة و تُحط فى دماغك أفكار سلبية تحبطك و تخليك يَأس كده ,, وتُقعد بقى تقول لنفسك أنا فاشل و الكلام إلى مش بيودى ولا بيجيب...........

 بدل ماتقول لنفسك كده لأ أقول لنفسك أنا هقدر أنجح و هقدر أكون حاجة كويسة جداً فى تخصصى ده مهما كنت مش بتحبه فى حاجة كده بتتقال " حب ما تعمل حتى تعمل ما تحب "  وده يعنى اه يعنى حب الحاجة إلى أنت فيها دلوقتى عشان تشتغل فى الحاجة الى أنت عايزة  و خدها نصيحة أوعى تخلى حد يقولك إنك مش هتقدر تعمل حاجة , بأيدك أنت كل حاجة بأيدك تكون سعيد وناجح وبأيدك تكون فاشل و مُكتئب طوول حياتك  قرارك إنت الى هتخده.

 " إنت سيد قرارك " .

خليك إيجابى و بُص على الحاجة من زاوية تانية , خليك مُتفائل ....

بقلم : منة عامر